XUAN PUNTONA enfila pelo verde

Llimu. (Del llat. limus) m. 1. Llíquidu vaxinal de la muyer. 2. Semen

Cita lliteraria: Llucía sollutaba, convulsionábase, en basma recibiendo esi doliosu fueu que namás tendría de finar colos raxos de llimu. GONZALI, Humberto. Anatomíes de la mañana y otres histories escabroses.

Pesetina. f. fig. Órganu sexual femenín.

Poques pallabres hai tan tiernes y tan afayaíces pa les espresiones picardioses. Paez, eso sí, como fecha pa referise a lo de moces pequeñines que d'otra parte anden tovía pasiando a la inocencia (a lo común engañosa). Tamién val pa estremar a los falantes patrimoniales de los d'última fornada. Si nun conocen esta acepción de seguro que piensen que ratu ye una "porción de tiempu xeneralmente curtia". De toes maneres con esto del euro  muncho se pierde en cuantes tratamos d'iguar la terminoloxía monetaria. ¿Per ónde tiramos?, ¿pel centimín?.