Kurt, de Pedro de Silva, llograra en febreru de 1998 el XX Premio La Sonrisa Vertical. Ésti ye ún de los llibros eróticos más insólitos que'l xuráu d'esti premiu tuviera ente les manos. Precisamente lo que más apreció nel mometu del fallu fuera la orixinalidá de la so concepción: un llibru de y sobro'l sexu, al empar inductivu y deductivu. Kurt desplica a un amigu que ye una ofiensa a Dios nun practicar l'amor, «esa barandiella, enllena de mirones que-y tienen medrana al gran furacu»: el sexu. Sigún Kurt, Dios «úfrenos el sexu p'abellugnos de les calamidaes» y, en cuanto que «la pureza ye asuntu del diablu», l'instintu que nos conduz al sexu ye un mandatu divín. Pola mor d'ello Kurt, convencíu de que los que lleven togues y sotanes por dalgo visten de negro, como si llevaren llutu pola vida, vive cómoda y festivamente les sos esperiencies sexuales, al mesmu tempu cola curiosidá y l'abandonu de tou amante de la esistencia y la llucidez del observador al que les sos vivencies instrúin. En cien alcuentros amorosos rexíos pol sexu reina Ella, la Muyer, al tiempu creadora, sumisa, guerrera, enigmática o reveladora, pero siempre, de toes toes, carnalmente real. Kurt, en xunto con ello, gocia, adica y coméntalo con otros.

KURT. Editorial Tusquets. ISBN: 978-84-8310-584-9 Llugar d'edición: Barcelona. Colección La sonrisa vertical. Númberu de páxines: 224. Encuadernación Rústica

Comments

Cuando se publicó la novela Emmanuelle, en 1959, na so cubierta nun apaecía'l nome del autor, fechu que diba iguase n'ediciones posteriores col usu d'un seudónimu, Emmanuelle Arsan, qu'amazcaraba a una de les escritores más atrevíes del sieglu XX. Falóse muncho dende entós y díxose que se podría tratar d'una moza tailandesa casada con un diplomáticu francés, que se valiera de les esperiencies de so pa escribir esti éxitu de la lliteratura erótica. Los años, de toes maneres, nun llograron descubrir la identidá de la autora de L'antivirxen o Los fíos d'Emmanuelle.

L'argumentu ye'l que sigue. Con diecinueve años y acabante casar con un prósperu inxenieru que vive en Bangkok, Emmanuelle viaxa a Tailandia pa reunise con él. La so relación afítase nuna rara confianza nel adulteriu y la promiscuidá; allí onde los celos xurden nel común les pareyes, esti matrimoniu descubre estímulos y escitación. Por embargu, y al pesar de la so formidable disposición pal sexu, ente momentos lésbicos y caldes duches, dalgo na alloriada vida amatoria d'Emmanuelle paez nun acabar de completase. Sedrá la muyer d'un conde francés quien suxera a la protagonista que pa vencer esi vaciu sexual tien de s'acostar con un noble que-y dobla la edá, Mario, un filántropu italianu que vien de va años percorriendo'l mundu, atropando disgresiones filosófiques qu'apuntalen el so pensamientu dionisíacu. Na llarga nueche del so alcuentru, dambos falarán sobro la redención sexual del individu y la trescendencia al traviés del sexu, nun camín ensin vuelta hacia los cumales del prestu.

En 2006 Círculo de Lectores, por cortesía de Tusquets Editores, editó una nueva traducción de la novela, obra de Carmen Artal, con un guapu diseñu d'Eva Mutter y una ilustracion de sobrecubierta de Lev Dogachov.

Comments

Cita lliteraria: Llucía sollutaba, convulsionábase, en basma recibiendo esi doliosu fueu que namás tendría de finar colos raxos de llimu. GONZALI, Humberto. Anatomíes de la mañana y otres histories escabroses.

Comments

Mme de Saint-Ange recibe en casa a Eugénie, guapa rapacina de quince años, cola idea de seducila y corrompela. Pa esi fin cuenta cola ayuda del so hermanu, el caballeru de Mirvel, estraordinariamente dotáu pal amor, y cola del llibertín más atrevíu de tou París, monsieur Dolmancé. Ente los tres van xuntar teoría y práctica maxistralmente en bien de la instrucción de la mocina.

VTP Editorial

- Colección Delikatessen
Lectures nobles 15 x 24. 184 pax.
PVP: 7,20 €

Comments

Ventana la mar pa la tempestá y les sos foles.
Sol de l’almendra pal dardu y les sos trompetes.
Lluna l’escurecer pa lo lascivo y los sos rixos.
Carne del impudor pal deséu y los sos baturicios.
Barragana del pubis pal machu y los sos males.
Pimenteru de la fusión pa l’alcoba y les sos tigreses.
Armonía de la verticalidá pal carnívoru y los sos chupetones.
Estampiella de lefa pal criyador y los sos aventones.
Xoya del orgasmu pa la flauta y los sos deos.
Plenu d’esistencia pa la intimidá y los sos ritos.
Taller del amor pal martiriu y les sos áscuares.
Coral del espasmu pa la gaxapada y la llambiada.
Flor del raxón pal sádicu y los sos ñascos.
Molín de delicies pa la pistola y los sos tiros.
Margarita d’Eros pal garapiñeru y los sos fervores.
Nichu d’enxema pa la penetración y los sos rayos.
Ciprina d’adoración pal tallu y los sos antroxos.
Botón de lligue pal priapu y los sos embagos.
Rosa de besos pal adorador y los sos puros.
Calibistri de llocura pal bulliciu y les sos dilleiciones.
Cónxara d’acocorar pa lo precioso y los sos himeneos.
Escudu de deliriu pal malvís y les sos veyures.
Copete d’ardentía pa la fantasía y los sos nuedos.
Mandolina de calor pa la flecha y les sos intrigues.
Fresa de diluviu pal delirium y los sos tremens.
Nial de cultu pal marqués y les sos atadures.
Caxón d’espurrida pal clavicordiu y les sos comezones.
Mechu d’embruxu pa la daga y los sos toques.
Ayalga de febre pal falu y les sos quemadures.
Cetru de la llama pa la ceremoña y los sos frenesís

Comments

Que la política y lo erótico nun tán riñíos ye dalgo que vemos, masque solo de xemes en cuando, pela piel d'esti país de nuestro que se llama Asturies. Prueba d'ello pue ser la ponencia que sobro la lliteratura erótica lleera David Rivas na Arribada 2006. Pola mor d'ella, y de la so preferencia poles tetines, ficiéron-y dos preguntes en dientro d'una entrevista entamada col motivu de la publicación de "Xente de perende", primer llibru relatos del dirixente nacionaliegu. Llibru ésti onde, mire usté, podemos topar les estayes correspondientes de narrativa verdurienta como nel casu, ente más otros, del cuentu númberu 73, ónde s'alluga la peripecia que monten unes bragues despistaes. Lo dicho, ehí va'l cachu entrevista.

A.E.: La so fras de les tetines diera muncho que falar.

D.M.R.: Eso díxilo na ponencia, nuna fras pente ventiún folios. Nel coloquiu de dempués falé d’otres coses erótiques más esplícites. Pero naide les recoyó. Mala suerte.

A.E.: Ye raro pa un políticu arriesgase a falar públicamente de delles coses fácilmente tracamundiables o de les que puen facer risión.

D.M.R.: Ye que yo nun soi un políticu nel sen d’esi profesional qu’anda midiendo cada pallabra que diz. Soi un profesor que, nesti momentu y nesta circunstancia, representa a la xente que camienta qu’Asturies entá pervive y que tien posibilidaes de xorrecer. Mañana dexaré de presentame a elecciones y seguiré siendo un profesor, un científicu. Y sobro l’erotismu, ¿qué-y voi dicir?. Prefiero un nacionalismu d’Eros qu’un nacionalismu de Thanatos. Prefiero vivir y dexar vivir na nación que morrer o matar por ella. Pero, pa que naide dulde de lo que digo: lo de les tetines ye verdá. Ya otra cosa: n’Andecha Astur naide nun dixo nada, magar que caún tien la so propia idega de les tetes y de les pirules.

http://www.infoasturies.net/archivu/12_06/rivas.htm

Comments

Poques pallabres hai tan tiernes y tan afayaíces pa les espresiones picardioses. Paez, eso sí, como fecha pa referise a lo de moces pequeñines que d'otra parte anden tovía pasiando a la inocencia (a lo común engañosa). Tamién val pa estremar a los falantes patrimoniales de los d'última fornada. Si nun conocen esta acepción de seguro que piensen que ratu ye una "porción de tiempu xeneralmente curtia". De toes maneres con esto del euro  muncho se pierde en cuantes tratamos d'iguar la terminoloxía monetaria. ¿Per ónde tiramos?, ¿pel centimín?.

Comments

Hercule et Omphale

Le cul
D'Omphale
Vaincu
S'affale
- Sens-tu
Mon phalle
Aigu?
- Quel mâle!...
Le chien
Me creve!...
Quel rêve!...
... Tiens bien!
Hercule
L'encule.

Comments